Tuesday 13 April 2010

Sumamo

Dear heart...
Ikaw raw ay batang-bata pa...
At hindi mo pa kayang mag-isa...
Sa bawat kaba, alam nang yun lang...
Ang pag-ibig mo'y nadarama...


Ngunit ang tanong ay... umibig ka rin ba sa akin? Asa pa akong iibig ka rin sa akin. Eh pihikan ka rin diba? At malamang, sabihan mo pa ako na hindi tayo talo. Ano nga ba ang mayroon sa iyo?

Naaalala ko noong una kitang nakita, para ka lang hangin sa akin. Kung tutuusin, nagkaroon pa nga ako ng paghanga sa isa sa mga kaibigan mo. Hanggang sa nawala yun. At sa iyo na nakatoon ang atensyon ko. Ano nga ba ang mayroon sa iyo?

Dumating ang mga araw, napagtanto ko na rin sa sarili ko na nahulog na rin ako sa iyo. Alam kong hindi pa rin kita lubusang kilala hanggang ngayon kahit na abot-kamay na rin kita. At kahit na ganoon na nga, parang napakalayo pa rin natin sa isa't isa. Ano nga ba ang mayroon sa iyo?

Hindi ko nga rin alam kung kaibigan din ang turing mo sa akin. Ngunit ang magagawa ko na lang ay magpasalamat sa iyo dahil nakasama rin kita at naging mabait ka rin sa akin.

ANO NGA BA ANG MAYROON SA IYO?

No comments: