Wow, agyang mipagal ku king biyahe, masaya nakuman aldo. Obakit naman? Marakal la reng melyari kanaku king aldong iti.
Nanding ganing aldo, ginising kung alus 5:00 AM na. E ke kasi dindam ing alarm ning cellphone ku. Ngaku, me-late na ku king luub ku! Peru imbis a linub ku nandin, minta na ku mu king marayung lugal – CONCEPCION, TARLAC. Nanung gewa ku karin? O ini ing kwentu.
Ati ku king bus inyang linub king isip ku a munta na ku mu king Pampanga, bangkanita, ma-explore ke karin ing lugal. Inyang miras ku king Mabalacat, sinake kung jeep pamuntang Clark. Inyang miras ku king Clark, migpaynawa ku pa ketang tindahan. And then mengan ku pa. Tapos seli kung Choco Twirl king Jollibee. Medyu mapali na, kasi ala ne ing bagyu. At saka minta ku king computer shop ning Koreanu (pero e ke kakilala ing Koreanu).
Migbuklat kung Facebook para lawen ku la reng kanakung notifications ampong messages. So far, ala nakumang importanting mensayi. Pero anyang ikit ke maka-online ing ka-luguran kung taga Tarlac... keni ya mengumpisa ing kwentu ku.
Mig-greet ku kaya anyang maka-online ya i “mother”. Sinabi ku kaya, ati ku king Clark kasi e ku linub nandin. Tapos, mig-joke kung munta ku karela. Ngana, malyari naman. Anya minta nakuman. Sinabi ku kang “R” a munta ku kari mother, since malapit noman king Angelese. Afterwards, mig-out na ku king shop. And then sinake kung jeep king MacArthur pamuntang Concepcion, ing lugal na ning apu kung babayi. Nganang ima ku, marakal la kano karin reng Pangilinan, kasi menibat ya karin ing apu ku. About an hour ya pala ing biyahe mula Angeles anggang Concepcion. Kaluwat na kasi ning jeep ay asaken ku. In fairness, super barrio ya setting. What if tumuknang ku king baryu, ing tipung marayu king kabiasnan?
Bueno, miras nakuman kari “mother”. Ing masabi ku kaya: maganaka ya talaga! Buti na mu, iki na ku anyang tinipa ku king jeep. Sa bagay, friends naman kami king Facebook at pirmi ne lalawen ing profile ku. It was a warm welcome anyang ikit na ku. Medyo mig-storyahan kami karela. Tapos migkayatin kung oras a mag-Facebook king PC na. Anyang maka-online ku, mekipag-chat ku ka-luguran mi, i “B”. Ngaku kaya, ati ku kari “mother”. At first, e ya meniwala kanaku. And then alus whole day ku kari mother. More on everyday life, pamag-obra, at siyempri... LOVE LIFE! Aru, ikit na la reng kanakung “SPECIAL SOMEONE”! Mate ku pu, makarine!
Anyways, kabang maka-online ku. Ikit ke itang metung kareng kanakung special someone a maka-online. Iya ing first true love ku a pirmi ku mamention kening blog. For more than 5 years, kaluguran ku ne. And for almost 3 years, pirmi nakuman kikiyak... dahil lang sa kanya. Ah, ustu na yan! Marakal a beses ku migparinig kaya nandin. Peru lupang alang epektu! Ikanga, manhid kung manhid. Peru megulat ku inyang ni-like ne itang fan page a “I ACTED LIKE IT DIDN'T BOTHER ME. BUT ACTUALLY, I THINK OF IT ALL THE TIME.”. The question is... ot ni-like ne ita? Nanung buri nang sabyan?
Anyway, alus 5:00 PM na anyang meko na ku kari “mother”. Hahaha, marakal ku pasalubung ibat kaya! Sinabi na kanaku, munta la kano karela ri “B”, “R”, ampo retang aliwa patse ating oras. Mig-suggest ku, mas masanting pin patse semestral break na. And then we bid ourselves goodbye. And voila!
O ini ing ebidensyang minta ku kari “mother”. O diba, bonggang bongga! Sana pin, makapunta ako uli sa kanila. Dakal a salamat, MOTHER! I MISS YOU!
No comments:
Post a Comment